||ْ فـي هالـزمـنـ نسيانـ’’ الأح ــبابـ عاـآديـ !!

نسيتني.. علّمنـي شلـون أبنسـاك

في هالزمن نسيان الأحباب عـادي

وشلون لا مرت على البال ذكـراك

وطيفك سرق مني لذيـذ الرقـادي

وشلون لا قالوا لي الناس وش جاك

من كنت في لذة منامـك تنـادي؟

وشلون أعيش اللي بقالـي بليـاك

لا من غدينـا كـل واحـد بـوادي

لو قلت أداوي جرحي اللي تباطـاك

ما كل جرح يفيـد فيـه الضمـادي

أعلنـت حبـك ليـن كـل تمنـاك

غلطه وغيري من خطاي استفـادي

لو لي مثل قلبـك تمنيـت فرقـاك

وأكيد قبلك بالجفـا صـرت بـادي

حلوه عذاريبـك وحلـوه مزايـاك

حتى بيـوم فراقنـا كنـت هـادي

كن الليالي ودها تكسـب إرضـاك

وأنا يطول مـع الليالـي جهـادي

في ذمتي ما هي غريبـه خطايـاك

مبطي وقلبك لـو تنبهـت غـادي

سهله على من كان مثلك وشرواك

مثـل الثيـاب يغيـرون المبـادي

علمني أكـره ذكرياتـك وطريـاك

وانسى من الليله صدوق الـودادي

ولاني بقايل عقبها ويـن أبا القـاك

راضي لو إن جروح قلبي جـدادي

وألّا القصايد جعلهـا مـن فدايـاك

لبستهـا مبطـي ثيـاب الحـدادي

باكر على المخطي يدرون الافـلاك

ونشوف من يصعب عليه البعـادي

__.,’

للشاع ـــر / متعب التركي
@ مما راق لي@
م/ن

[ندعوك للتسجيل في المنتدى أو التعريف بنفسك لمعاينة هذه الصورة]

اشعار رائعة