شاعر متأثر بالكمبيوتر...

فيروس هجرك عطل القلب تعطيل ...... ودمر ملفات الفرح في حياتي
ياللي سكنت القلب من دون تحميل ...... متى لموقعنا تشرف وتاتي
عنوانكم ماهوب ياهو وهوتميل ...... عنوانكم روحي و قلبي و ذاتي
كم مرةٍ أرسلت لك عبر الإيميل ...... وأدورك في منتداي و شاتي
وأرسلت لك يا زين فايلٍ ورى فايل ...... فيها الغلا والحب يا أغلى أمنياتي
وأرسلت لك قصة عذابي مع الريل ...... ياللي غيابك هو سبايب شقاتي
دايم عليك أبحث بياهو و جوجل ...... وأنت ولا تسأل علينا بتاتي
خابرك بنتيوم فور أصلي و إنتيل ...... لكن خسارة غيروك الوشاتي
وكان الهكر غروك بالقال والقيل ...... بأدعي عليهم في سجودي وصلاتي
ياجعلهم بقعاء وطيرٍ أبابيل ...... ترمي عليهم بأمر ربي حصاتي
يرضيك من حبك غدى منهك الحيل ...... ريقي غدى ناشف ويبست شفاتي
أقضي الليالي دمع عيني هماليل ...... لا من طريتيلي تبدد مباتي
صحراي جفت مالفانا مخاييل ...... وأنت المزون اللي تروّي نباتي
وياشين حالي لا قريت المراسيل ...... في الأوتلوك أذكر قصص ماضياتي
منك حزين الحرف شاف البهاذيل ...... وقلبك مثل قرصٍ صلب في القساتي
موقعك في وجهي مقفل بتقفيل ...... حتى البروكسي مانفع وش سواتي
بمفضلة قلبي عطيناك تفضيل ...... أنت المفضل عندنا يا غناتي
ويا زين هجرك عطل القلب تعطيل ...... ومن غير شوفك وش تساوي حياتي
كني بدونك قرص فارغ ولا فايل ...... فاسد ومرمي بسلة المهملاتي
ماعدت أفرق بين اكسس و أكسيل ...... وماعدت أفرق بين بلتك وشاتي
وباشكي على الكيبورد كثر الغرابيل ...... وأكتب على الوورد المطور وصاتي
وهذي النهاية حطها وسط تظليل ...... لا مت ف غيابك سبايب مماتي